गोरखामा स्कुटर दुर्घटना हुँदा एक युवककाे मृत्यु

गोरखा । पृथ्वीराजमार्ग अन्तरगत पर्ने तनहुँको व्यास नगरपालिका–१२ कमलबारीमा आइतवार स्कुटर दुर्घटनामा परी एक जनाको मृत्यु भएको छ । दुर्घटनामा गोरखा नगरपालिका–१३ अबुवा देउराली बस्ने वर्ष २२ को आसिकबाबु नरालको मृत्यु भएको जिल्ला प्रहरी कार्यालय तनहुँका सूचना अधिकारी प्रहरी नायब उपरीक्षक अशोक थापाले जानकारी दिए ।

दुर्घटनमा स्कुटर पछाडी बस्ने मृतकका बुवा कृष्णप्रसाद नराल घाइते हुनुभएको उनले बताए । दिउँसो १ः४५ बजे दमौलीबाट डुम्रे जाँदै गरेको ग. २५ प. ४१३ नम्बरको स्कुटरको चालकले नियन्त्रण गुमाई सडकमा पल्टन जाँदा मृत्यु भएको प्रहरीले जनाएको छ ।

दुर्घटनापछि घाइते भएका दुवै जनालाई प्रादेशिक अस्पताल दमौलीमा उपचारका लागि ल्याइएकोमा छोरालाई मृत घोषणा गरिएको बुवालाई थप उपचारका लागि पोखरा लगिएको थापाले बताए । दुर्घटनाको कारणबारे अनुसन्धान भइरहेको प्रहरीले जनाएको छ ।