गोरखाको धार्चे पहिरो अपडेटः बेपत्ता भएका ५ जना मध्ये ४ जनाको शव फेला

गोरखा । उत्तरी गोरखाको धार्चेमा आइतबार बिहान गएको पहिरोमा परी बेपत्ता भएका ५ जना मध्ये ३ जनाको शव फेला परेको छ । वेपत्ताहरुको शव विभिन्न स्थानमा फेला परेको जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले जानकारी दिए ।

उनका अनुसार आईतबार दिउसो गण्डकी गाउँपालिका–८ को बर्खेघाटमा वेवारिसे अवस्थामा फेला परेको महिलाको शव समेत सोही घटनाको भएको आज पुष्टी भएको हो ।

बेपत्ता भएका मध्ये ३५ बर्षिया कान्छी मायाँ गुरुङ शव गण्डकी गाउँपालिका–८ को बर्खेघाटको त्रिशुली नदी किनारमा फेला परेको थियो । कान्छी मायाँको शव आज बिहान उनका दाजुले पहिचान गरेका थिए ।

त्यस्तैगरी, आज दिउसो १२ः४५ बजे बेपत्ता भएका मध्येका ७० बर्षका सुलाल कान्छा गुरुङको वश घर नजिकै २० मिटर तल फेला पुरिएको अवस्थमा फेला परेको थियो भने दिउसो २ बजे ३७ बर्षका जितबहादुर गुरुङ शव घर भन्दा २५ मिटर तल फेला परेको सूचना अधिकारी श्रेष्ठले जानकारी दिए ।

प्रहरीले दिएको जानकारी अनुसार बेपत्ता मघ्येकै अर्का बर्ष ३३ को रमेश गुरुङ शव समेत घरदेखी ३० मिटर तलको दुरीमा दिउसो ३स्०० बजे फेला परेको छ ।

बेपत्ता भएका मध्ये २ जनाको खोजी जारी रहेको पनि उनले जानकारी दिए । सोही पहिरोमा परेर घाईते भएकाहरु दिलिप गुरुङ र खम बहादुर गुरुङको अहिले राष्ट्रिय ट्रमा सेन्टर काठमाडौंमा उपचार भई रहेको छ ।