गोरखा सदरमुकामको पसल चोरी गर्ने एक युवक कारागार चलान

गोरखा। गोरखा सदरमुकाम क्षेत्रमा चोरीको घटनामा संलग्न एक व्यक्तिलाई पुपक्र्षका लागि कारागार चलान गरिएको छ । गोरखा नगरपालिका–६, कालीमाटीस्थित प्रविन मोवाइल पसलमा चोरीको आरोपमा पक्राउ परेका हरिहरपुरगढी गाउँपालिका–८ सिन्धुली घर भएका २१ बर्षीय कुमार मोक्तानलाई जिल्ला अदालत गोरखाको आदेशमा पुर्पक्षका लागि कारागार चलान गरिएको हो ।

मोक्तानले गएको जेठ १५ गते राती मोवाइल पसलबाट १२ थान मोबाईल थान, १ थान पावर व्याङक, २ थान स्पिकर लगायतका सामान चोरी गरेको जिल्ला प्रहरी कार्यालय गोरखाका सूचना अधिकारी एवं प्रहरी नायव उपरीक्षक ९डिएसपी० रमेशकुमार श्रेष्ठले जानकारी दिए ।

उनी माथि नकबजनी चोरी कसूर शीर्षकमा मुद्दा दर्ता गरी सम्पूर्ण अनुसन्धान पछि अदालतले कारागार चलानको आदेश दिएको हो । मोक्तानलाई आजै जिल्ला कारागार गोरखामा थुनामा पठाइएको प्रहरीले जनाएको छ ।