गोरखामा नाबालिका बलात्कार गरेको आरोपमा ६० बर्षका पुरुष पक्राउ

गोरखा । गोरखामा नाबालिका बलात्कार गरेको आरोपमा एक व्यक्तिलाई प्रहरीले पक्राउ गरेको छ । बारपाक सुलिकोट गाउँपालिका–४ सौरपानी घुन्चोक घरभएका ६० बर्षका बुद्धिमान बि.कलाई १२ बर्षकी बालिकालाई बलात्कार गरेको आरोपमा पक्राउ गरिएको जिल्ला प्रहरी कार्यालय गोरखाका प्रहरी नायव उपरीक्षक (डिएसपी) रमेशकुमार श्रेष्ठले जानकारी दिए।

फागुन २ गते राती करिब ८ बजेको समयमा बि।कले बालिकालाई डर–त्रास देखाएर जबरजस्ती करणी गरेको पीडित भन्दे पिडित परिवारले प्रहरीमा जाहेरी दिएको थियो ।

परिवारको जाहेरीका आधारमा उनलाई पक्राउ गरिएको डिएसपी श्रेष्ठले बताए। पक्राउ परेको बि।क विरुद्ध जबरजस्ती करणी कसूर शीर्षकमा मुद्दा दर्ता जिल्ला अदालत गोरखाबाट म्याद थप गरि हिरासतमा राखेर अनुसन्धान अघि बढाइएको प्रहरीले जनाएको छ ।