गोरखा आरुपोखरी जादै गरेकाे बस हरमटारीमा दुर्घटना

गोरखा । गोरखा बजारको हरमटारी क्षेत्रमा आज भएको बस दुर्घटनामा परी १ जना सामान्य घाइते भएका छन् । बस उकालोमा रोकेर यात्रु झार्ने क्रममा ब्रेक फेल भएर पछि हट्दा दुर्घटना भएको हो ।

दुर्घटनामा परी गोरखा नगरपालिका–९, कट्टेल डाडाँका २२ वर्षका समीर कट्टेल घाइते भएका छन् । उनको अहिले गोरखा अस्पतालमा उपचार भई रहेको छ ।

कट्टेल आफ्ना बुवाले सञ्चालन गरेको थोक पसलमा सामान मिलाउँदै गर्दा बसले ठक्कर दिएको जिपले उनलाई घाइते बनाएको हो ।

चितवनको नारायणगढदेखि गोरखाको आरुपोखरी तर्फ ज्यादै गरेको ना ५ ख ५०२५ बस ब्याक भएर हरमटारीमा बिकाससुन्दर श्रेष्ठको घर आँगनमा रोकी राखेको ग ३ च ९४१ योद्धा जिपलाई ठक्कर दिन पुगेको थियो । उक्त दुर्घटनामा श्रेष्ठको घर र कट्टेलको जिपमा ठुलै क्षति पुगेको छ ।

क्षतिको विवरण भने आउन सकेको छैन । घरको पछिल्लो भाग समेतमा असर गरेकोले ठुलै क्षतिको अनुमान गरिएका छ ।

बस नारायणी यातायातको भएको खुल्न आएको छ । बसमा सवार कोही कसैलाई पनि क्षति नभएको जिल्ला ट्राफिक प्रहरी कार्यालय गोरखाले जनाएको छ ।