शहिद लखन गाउँपालिका स्तरीय राष्ट्रपति रनिङ शिल्डको उपाधी रामेश्वरीलाई

गोरखा । शहिद लखन गाउँपालिका स्तरीय प्रथम शहिद लखन थापा मगर स्मृति तथा राष्ट्रपति रनिङ शिल्ड प्रतियोगिता २०८० सम्पन्न भएको छ । प्रतियोगितामा ५ स्वर्ण ,६ रजत र ६ कास्य पदक सहित रामेश्वरी माध्यमिक विद्यालयले प्रतियोगिताको उपाधी जितेको छ ।

त्यस्तै ४ स्वर्ण, ५ रजत र ६ कास्य पदकका साथ शहिद स्मृति माध्यमिक विद्यालय दोश्रो र ४ स्वर्ण ५ रजत र ४ कास्य पदकका साथ सिंजाली माध्यमिक विद्यालय तेश्रो भएका छन् । प्रतियोगिता अन्तरगत छात्र भलिबल खेलतर्फ भगवती हिमालय मा.विका विपिन थापा सवोत्कृष्ट खेलाडी बनेका छन् ।

त्यस्तै छात्रातर्फ जलदेवी मा.विकी स्मृती सुनार सवोत्कृष्ट बन्नुभएको छ । समग्र प्रतियोगिता तर्फ सिंजाली मा.विकी रासिका श्रेष्ठ सर्वोत्कृष्ठ छात्र र रामेश्वरी मा.विका रविन परियार, र शहीद स्मृति मा.विका सविन श्रेष्ठ समग्र प्रतियोगिताको सर्वोत्कृष्ठ छात्रको उपाधी जितेका छन् । प्रतियोगिता मंसिर ३० गतेदेखि पुस २ गतेसम्म सञ्चालन भएको थियो ।