गोरखामा अभ्रद व्यवहार गरेको आरोपमा एकजना पक्राउ

गोरखा । स्थानियलाई अभद्र ब्यवहार गरेको आरोपमा प्रहरीले सौरपानी बेलबोटका एक जना पुरुषलाई नियन्त्रणमा लिएको छ । सिरानचोक गाउँपालिका–८ सौरपानी निवासी ३५ बर्षिय सिताराम नेपालीले स्थानिय महिलालाई अभद्र ब्यवहार गरेको आरोपमा पक्राउ परेको जिल्ला प्रहरी कार्यालय गोरखाका प्रहरी निरिक्षक रबिन्द्र अधिकारीले जानकारी दिए।

उनका अनुसार नेपालीले मादक पदार्थ सेवन गरी गोपालडाँडाको सार्वजनिक स्थानमा फिनामटारकी ५२ बर्षकी एक महिलालाई गाली गलौच तथा धाक–धम्की दिदै अभद्र ब्यवहार गरेको र गाउँघरमा समेत हो–हल्लाह गरेको भन्दै प्रहरीले मंसिर १३ गते बुधबार पक्राउ गरेको हो । पक्राउ परेका सितारामले ११गते सोमबार दिउसो ४ः३० बजे उक्त कार्य गरेका थिए ।

स्थानियहरुले उनका बिरुद्व उजुरी दिएपछि प्रहरीले पक्राउ गरी गएको बिहीबार अभद्र ब्यवहार कसूर शिर्षकमा मुद्वा दर्ता गरी जिल्ला प्रशासन कार्यालयकाट अनुसन्धानका लागि म्याद थप गरेको पनि प्रनि अधिकारीले जानकारी दिनुभयो । नेपालीलाई अहिले प्रहरी हिरासतमा राखेर अनुसन्धान भई रहेको उनले बताए ।