पालुङटार नगरपालिकाद्धारा आयोजित हाजिर जवाफ प्रतियोगितामा मदने डाँडा मावि प्रथम

गोरखा। पालुङटार नगरपालिका शिक्षा युवा तथा खेलकुद शाखाको आयोजनामा नगरपालिका स्तरीय हाजिरी जवाफ प्रतियोगिता सम्पन्न भएको हो । श्री भवानी माध्यामिक विद्यालय ठाँटी पोखरीमा भएको प्रतियोगितामा आधार तहका २१ विद्यालयको सहभागिता रहेको थियो ।

प्रतियोगितामा श्री मदने डाँडा माध्यामिक विद्यालय पहिलो, श्री भवानी माध्यामिक विद्यालय दोस्रो र श्री डुम्रे आधारभूत विद्यालय तेस्रो भएको आयोजकले जनाएको छ । त्यस्तै प्रतियोगिता अन्तरगत भएको माध्यामिक तह स्तरीय बक्तृत्वकला प्रतियोगितामा श्री मदने डाँडा माध्यामिक विद्यालय पहिलो, श्री अमरज्वोती जनता माध्यामिक विद्यालय दोस्रो श्री युनाईटेड ईङ्लिस बोर्डिङ स्कुल तेस्रो र श्री भवानी माध्यामिक विद्यालय तेस्रो भएको छ ।

कार्यक्रममा पालुङटार नगरपालिकाका नगर प्रमुख विवस चिन्तन, प्रमुख प्रशासकीय अधिकृत गौतम भण्डारी, शिक्षा,युवा तथा खेलकुद शाखाका शाखा प्रमुख माधव पोखरेल र भवानी माविका विद्यालय व्यवस्थापन समितिका अध्यक्ष प्रेम गुरुङ लगायतको उपस्थित रहेको थियो । प्रतियोगितामा बिजेत सहभागीहरुलाई नगद पुरस्कार सहित प्रमाण पत्र प्रदान गरिएको आयोजकले जनाएको छ ।