गोरखामा ट्याक्टर दुर्घटना हुुदाँ ४ जना घाइते, दुईको अवस्था गम्भीर

गोरखा । गोरखामा आज विहान ट्याक्टर दु्र्घटना हुँदा चार जना घाइते भएका छन् । गोरखा बजारबाट नारेश्वरतर्फ जाँदै गरेको ना।५ त ६०७७ नम्बरको ट्याक्टर गोरखा नगरपालिका–३ स्थित नारेश्वरको ओरोलोमा दुर्घटनामा परेको जिल्ला प्रहरी कार्यालय गोरखाका प्रहरी नायव उपरीक्षक (डिएसपी) रमेशकुमार श्रेष्ठले जानकारी दिए ।

दुर्घटनामा परी गोरखा नगरपालिका–३ नारेश्वरका ७४ बर्षिय भूवनबहादुर थापा, ५० बर्षका भोजराज ढकाल, पालुङटार नगरपालिका–९ मिरकोटका २३ बर्षका महेश थापा र सप्तरी घर भएका ४१ बर्षिय रामबिलास यादव घाइते हुनुभएको हो ।

घाइतेमध्ये भुवन र भोजराजको अबस्था गम्भीर रहेको छ । गम्भीर घाइते दुवैलाई गोरखा अस्पतालमा सामान्य उपचारपछि थप उपचारका लागि काठमाण्डौ पठाइएको डिएसपी श्रेष्ठले जानकारी दिए। अन्य दुई जना घाइतेको अबस्था भने सामान्य रहेको र उनिहरुको गोरखा अस्पतालमा उपचार भइरहेको उनले बताए ।

सामन्य घाइते भएका महेश ट्याक्टर चालक र यादव सोही ट्याक्टरमा सवार रहेको पाइएको डिएसपी श्रेष्ठको भनाई छ । बालुवा बोकेर जाँदै गरेको ट्याक्टरको ओरालो बाटोमा दुवै टायर पङचर भएर दुर्घटनामा परेको डिएसपी श्रेष्ठले जानकारी दिए ।

टायर पङ्चर भएपछि ट्याक्टर अनियन्त्रित भई नाला नजिकै धारामा पल्टिएको थियो । घटनाको थप अनुसन्धान भइरहेको प्रहरीले जनाएको छ ।