गोरखाका एक व्यक्ति प्रहरी माथि अभद्र व्यवहार गरेको अभियोगमा पक्राउ

गोरखा । प्रहरी कर्मचारीमाथि अभद्र व्यवहार गरेको अभियोगमा गोरखा थुमीका १ जना युवकलाई प्रहरीले राजधानीबाट नियन्त्रणमा लिएको छ । नियन्त्रणमा लिएका ब्यत्ति आरुघाट गाउँपालिका–४ थुमा घर भई हाल काठमाण्डौं सानोभर्‍याङ् बस्ने ३७ वर्षीय सन्तोषकुमार धमला भएको ट्राफिक प्रहरी वृत्त नयाँबसपार्कले जानकारी दिएको छ ।

धमलाले काठमाण्डौं महानगरपालिका–१६ माछापोखरीस्थित ट्राफिक प्रहरी वृत्त नयाँबसपार्कबाट खटिएको प्रहरीले चेकजाँच गर्ने क्रममा प्रहरीलाई नै कुटपिट तथा अभद्र व्यवहार गरेपछि धमलालाई प्रहरीले पक्राउ गरेको हो ।

उनीउपर अभद्र व्यवहार मुद्दामा म्याद थप गरी प्रहरीले अनुसन्धान सुरु गरेको जनाएको छ ।