गोरखामा अबैध भरुवा बन्दुक सहित ३ जना पक्राउ

गोरखा । गोरखामा ३ थान अबैध भरुवा बन्दुक सहित ३ जनालाई प्रहरीले पक्राउ गरेको छ । पक्राउ परेको तिनै जनाले घरभित्र लुकाएर राखेको अवस्थामा बन्दुक बरामद भएको गोरखा प्रहरीले जनाएको छ ।

शहिदलखन गाउँपालिका–९ नामजुङमा लुकाई छिपाई अबैध भरुवा बन्दुक राखेको विशेष सूचनाको आधारमा खान तलासी गर्दा फेला परेको जिल्ला प्रहरी कार्यालय गोरखाका प्रहरी नायब उपरिक्षक रमेशकुमार श्रेष्ठल जानकारी दिए ।

पक्राउ पर्नेमा २४ बर्षका सन्दिप भुजेल, ३३ बर्षका पर्वत बाबु थापा र ४८ बषका कुलबहादुर घर्ती रहेका छन् । उनिहरु सबै जनाको घरमा १–१ थान १ नाले भरुवा बन्दुक फेला परेका कारण उनीहरुलाई प्रहरीले नियनत्रणमा लिएको प्रहरीले जनाएको छ ।
पक्राउ परेका सबैलाइ हातहतियार तथा खरखजाना कसूर शीर्षकमा मुद्दा दर्ता गरी असार ३१ गते आइतबार नै गोरखा जिलल अदालतबाट म्याद थप गरीको र प्रहरीको हिरासतमा राखेर थप अनुसन्धान सुरु गरेको प्रहरीले जनाएको छ ।