गोरखाको मनकामनामा जीप दुर्घटना हुँदा पाँचजनाको मृत्यू, १२ जना घाइते

गोरखा, ८ असार । गोरखाको मनकामनामा गए राती जीप दुर्घटना हुँदा ५  जनाको मृत्यू भएको छ भने १२ जना घाइते भएका छन् । शहिद लखन गाऊपालीका वडा नं.३ सिलिङ कोटगाउँ बाट जन्ती बोकेर फर्कदै गरेको प्रदेश ३–०१–०२३ च २४२७ नंबरको बोलेरो जीप अमलडाँडामा राती करिब १ बजे  दुर्घटना भएको प्रहरीले जनाएको छ ।

दुर्घटनामा परि ५ जनाको घटनास्थलमै मृत्यु भएको छ । मृत्यु हुनेमा ४ पुरुष र १ महिला रहेको डिएसपी लीलाराज लामिछानेले जानकारी दिए । उनका अनुसार घाईते भएका १२ जना मध्ये ३ जनाको अवस्था गम्भिर भएकाले भरतपुर अस्पताल रिफर गरिएको छ ।

सडकबाट करिब २५० मिटर तल खसेर जीप दुर्घटना भएको बताइएको छ । अहिले घटनास्थलमा नेपाल आर्मी र सशस्त्र प्रहरी उद्धार कार्यमा खटिरहेका छन् ।