उत्तरी गोरखाको चुमनुब्रीमा हिमपातका कारण बिरामी परेका दुई जर्मन नागरिकको उद्धार

गोरखा । उत्तरी गोरखाको चुमनुब्री गाउँपालिकाबाट दुई जना बिदेशी नागरीकको आज उद्धार गरिएको छ ।

वडा नम्बर – ७ स्थित छेकम्पारमा घुम्न गएका जर्मनी नागरिक हेनरिक गुन्टर र हफमेनका दुई दम्पतिलाई अत्याघिक चिसो र हिमपातका कारण बिरामी भएपछि आज बिहान ८ ः ५५ बजे कैलाश हेलीकप्टर मार्फत उद्धार गरी काठमाडौ लगीएको जिल्ला प्रहरी कार्यलय गोरखाका डिएसपी रमेश कुमार श्रेष्ठले जानकारी दिए ।

अहिले उनीहरु दुबै जनाको स्वाकोन इन्टरनेशनल बत्तिसपुतली अस्पतालमा उपचार भइरहेको उनले बताए । लगातार केही दिन देखी अत्याघिक चिसो र हिमपातका भएका कारण उनिहरुको स्वासप्रश्वासमा समस्या आएर अक्सिजन लेभल न्यून भएपछि हेलिकोप्टर मार्फत उद्धार गरिएको डिएसपी श्रेष्ठले जानकारी दिए । छेकम्पारमा निमार्ण सम्पन्न भएको स्वास्थ्य चौकीको निरीक्षण गर्न जाँदा उनिहरु बिरामी भएका हुन् ।