महिलाहरुका हक अधिकार र समानताका सवालहरु जनयुद्ध जगमा प्राप्त भएको होः मन्त्री सिंखडा

गोरखा । गण्डकी प्रदेशकी सामाजिक विकास तथा स्वास्थ्य मन्त्री सुशिला सिंखडाले जनयुद्धले नेपाली महिलाहरुको हक अधिकारलाई स्थापित गरेको बताएकी छिन् । गोरखाको भीमसेन थापा गाउँपालिकाले तीज पर्वको अवसरमा आज आयोजना गरेको कार्यक्रमलाई सम्बोधन गर्नुहुदैँ उहाँले अहिले प्राप्त भएका महिलाहरुका हक अधिकार र समानताका सवालहरु जनयुद्ध जगमा प्राप्त भएको बताईन् ।

‘वर्तमान संविधानमा महिला, दलित, पिछडिएका बर्ष समुदायहरु सवैको हक अधिकारहरु स्थापित भएका छन्, मन्त्री सिंखडाले भनिन्,‘ जनयुद्धको जगमा े संघिय लोकतान्त्रिक गणतन्त्र प्राप्त भएको र यस्ता सवै अधिकार प्राप्त हुनु जनयुद्धको महत्वपूर्ण भूमिका हो ।’

जनयुद्धमा महिलाहरुको सहभागिताको सहभागिता मार्फत महिला अधिकार र देशको आमूल परिवर्तनका लागि महिलाहरुको भूमिका समेत उत्तिकै बलिदानीपूर्ण भएको मन्त्री सिंखडाले उल्लेख गरिन् । ‘आज महिला र पुरुषको समान सहभागिता परिवर्तनबाट सम्भव भएको हो, उनले भनिन् ‘राज्यका हरेक अंगमा, राज्यका हरेक क्षेत्रमा महिलाहरुको नेतृत्व स्थापित हुने कुरालाई कम आँक्नु हुदैन ।’

गण्डकी प्रदेश सरकारको शिक्षा र स्वास्थ्य लगायतका क्षेत्रमा जनताले अनुभूति गर्ने गरी योजनाबद्ध ढंगले काम गरिरहेको बताइन् ।‘देशले एउटा राजनीतिक परिवर्तन गरी नयाँ ढंगले अगाडी बढीसकेको अबस्थामा अबको कार्यभार बिकास र सम्बृद्धिको कार्यभार हो, मन्त्री सिंखडाले भनिन् ‘प्रदेश सरकार सवै ढंगबाट प्रदेशका जनताले अनुभूत गर्ने गरी परिवर्तनको दिशामा अगाडी बढीरहेको छ ।’‘