गोरखामा करेन्ट लागेर एक जनाको मृत्यु

गोरखा, ९ साउन । गोरखामा करेन्ट लागेर मंगलबार एक जनाको मृत्यु भएको छ । शहिद लखन गाउँपालिका ७ बुङकोट थापा गाउँमा करेन्ट लागेर स्थानीय राममणी थापाको मृत्यु भएको वडाध्यक्ष शरण श्रेष्ठले जानकारी दिए ।

करेन्ट लागेर गम्भिर घाईते भएका थापाको गोरखा अस्पतालमा उपचारका क्रममा ज्यान गएको उनको भनाई छ ।

बिहान करिब ९ बजे बाह्रबिशे गाउँमा कुखुराको खोरको जालिमा करेन्ट लागी थापा गम्भिर घाईते भएका थिए । करेन्ट लागेर घाइते भएका थापालाई स्थानीयबासीहरुले तत्काल उद्धार गरी उपचारका लागि गोरखा अस्पताल पुर्याएका थिए ।