भिमसेनथापा गाउँपालिकाको गत आर्थिक बर्षको वार्षिक प्रगति समिक्षा कार्यक्रम सम्पन्न

गोरखा । भिमसेनथापा गाउँपालिकाको गत आर्थिक वर्ष २०७९/०८० को वार्षिक प्रगति समिक्षा कार्यक्रम सम्पन्न भएको छ ।

गाउँपालिका अध्यक्ष लोक प्रसाद बञ्जाराको प्रमुख आतिथ्यतामा शनिवार भएको कार्यक्रममा गाउँपालिकाका विषयगत शाखाका प्रमुख एवं उपशाखा प्रमुखहरुले संघ र प्रदेश सरकारबाट सञ्चालित वार्षिक कार्यक्रमको प्रगति प्रतिवेदन प्रस्तुत गरेका थिए ।

उनीहरुले आ।व २०७९ को श्रावण देखि २०८० आषाढ मसान्त सम्म बार्षिक नीति कार्यक्रम तथा बजेटले निर्दिष्ट गरे अनुरुप प्राप्त अख्तियारी भित्र रही अाफ्नो शाखा मार्फत भएको योजना बजेट कार्यक्रममा सम्वन्धमा बार्षिक प्रगति प्रतिवेदन प्रस्तुत गरेका थिए ।

चालु आव ०८०/०८१ का योजनाहरु समेत प्रस्तुत गरि सोही बमोजिम कार्यक्रम सञ्चालन गर्ने गरी रणनीति समेत बनाइएको गाउँपालिकाले जनाएको छ ।

गाउँपालिका प्रमुख प्रशासकीय अधिकृत चित्र बहादुर अधिकारीको अध्यक्षतामा सम्पन्न भएको कार्यक्रममा उपाध्यक्ष अमृता देवी वस्ती (भट्ट), जनप्रतिनिधि, कर्मचारी लगायतको उपस्थिति रहेको थियो ।