गोरखामा एक महिलाको हत्या अभियोगमा २ जना पक्राउ

गोरखा । गोरखामा एक महिलाको हत्या गरेको अभियोगमा दुइ जना पक्राउ परेका छन् । पक्राउ पर्नेमा गोरखा नगरपालिका १२ का दुई जना पुरुष रहेका छन् । माघ २४ गते गोनपा १२ को रत्नेटारकी ३० वर्षिय बिमला कुमाल मृत भेटिएकी थिईन ।

मृत भेटिएकी उनको कर्तब्य गरी मारेको भन्ने जाहेरी परेपछि प्रहरीले सोही ठाउँमा ४० वर्षिय चन्द्रबहादुर कुमाल र ३३ वर्षका धिरज कुमाललाई पक्राउ गरिएको एसपी अनुपम श्रेष्ठले बताए ।

उनका अनुसार घटनापछि फरार रहेका चन्द्रबहादुर कुमाललाई प्रहरी कार्यालय कञ्चनपुरको सहयोगको सहयोगमा माघ २५ गते महेन्द्रनगरबाट पक्राउ गरिएको हो ।

पक्राउ परेका दुबैजनालाई जिल्ला अदालत गोरखाबाट हिरासतमा राखी अनुसन्धान गर्न म्याद थप गरि अनुमति लिइएको उनले बताए ।