गण्डकी प्रदेशमा चैते दशैमा सार्वजनिक विदा

  • प्रकाशित मिति : April 19, 2021
  • गण्डकी डायरी

गोरखा, ६ बैशाख । गण्डकी प्रदेश सरकारलेे चैते दशैँको उपलक्ष्यमा आउँदो वैशाख ७ गते मंगलबार सार्वजनिक विदा दिने निर्णय गरेको छ ।

गत चैत १७ गतेको मन्त्री परिषदको बैठकले चैते दशैँको अवसरमा सार्वजनिक विदा दिने निर्णय गरेको हो ।

गण्डकी प्रदेशको आन्तरिक मामिला तथा कानून मन्त्रालयले सूचना जारी गर्दै सो दिन प्रदेशभित्रका सम्पूर्ण सरकारी कार्यालय, शैक्षिक संस्था तथा सार्वजनिक संस्थानहरु विदा हुने जनाएको छ ।

यसअघि गोरखा नगरपालिकाले रामनवमीको दिन बैशाख ८ गते गोरखा नगरपालिकाभित्रका सबै सामुदायिक तथा संस्थागत विद्यालयहरुमा सार्वजनिक विदा दिने निर्णय गरेको थियो ।