टिकटक बनाउदा झोलुङ्गे पुलबाट खसेर घाइते भएका युवकको मृत्यु

  • प्रकाशित मिति : December 21, 2020
  • गण्डकी डायरी

दाङ, ६ मसिंर । दाङमा टिकटक भिडियो बनाउदा झोलुङ्गे पुलबाट खसेर घाइते भएका एक युवकको मृत्यु भएको छ ।

टिकटक बनाउने क्रममा झोलुङ्गे पुलबाट खसेर गम्भीर घाइते भएका तुलसीपुर उपमहानगरपालिका १९ बिजौरीका २४ वर्षीय रमेश थापाको मृत्यु भएको इलाका प्रहरी कार्यालय तुलसीपुरले जनाएको छ ।

उनको उपचारका क्रममा बाँकेको कोहलपुर मेडिकल कलेजमा सोमबार बिहान ज्यान गएको हो । गएको शनिबार दिउँसो दुई बजेतिर बबई गाउँपालिका ५ हापुरेको पुरन्धारा छहरा नजिक रहेको झोलुङ्गे पुलबाट टिकटक बनाउने क्रममा थापा खसेका थिए ।